ជនសង្ស័យម្នាក់ ភ្ជង់ប្លន់យកកាបូបលុយ ទូរស័ព្ទ និងម៉ូតូពីយុវតីរូបស្រស់ជាសិស្សពូកែម្នាក់ ត្រូវនគរបាលចាប់ខ្លួន
25-September-2019 | ដោយ ពលមនសិការ
ភ្នំពេញ៖ ជនសង្ស័យម្នាក់ធ្វើសកម្មភាព ភ្ជង់ប្លន់យកកាបូបលុយ ទូរស័ព្ទ និងម៉ូតូពីយុវតីរូបស្រស់ជាសិស្សពូកែម្នាក់ ដែលមកដក សញ្ញាប័ត្រ តែរត់មិនរួច តែត្រូវបានជនរងគ្រោះស្រែកឆោឡោផ្អើលដល់សមត្ថកិច្ចប៉ុស្តិ៍នគរបាលចាក់អង្រែក្រោម ដែលកំពុងល្បាត ចេញទៅជួយអន្តរាគមន៍ ចាប់វាយខ្នោះយកមកធ្វើការសាកសួរនៅស្នាក់ការប៉ុស្តិ៍ ភ្លាមៗ ។
ហេតុការណ៍នេះកើតឡើងនៅវេលាម៉ោងប្រហែល០៩ព្រឹក ថ្ងៃទី២៥ ខែកញ្ញា ឆ្នាំ២០១៩នេះ នៅចំណុចកន្លែងផ្ញើកង់ម៉ូតូ ក្នុងបរិវេណវិទ្យាល័យ ហ៊ុនសែន ចាក់អង្រែ ស្ថិតនៅភូមិទួលរកា១ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ។
ជនសង្ស័យឈ្មោះ ឡៅ ម៉េងលាង អាយុ២៨ឆ្នាំ មុខរបរមិនពិតប្រាកដ ស្នាក់នៅភូមិអូរអណ្ដូង សង្កាត់ព្រែកប្រា ខណ្ឌច្បារអំពៅ និងមានទីលំនៅសង្កាត់បឹងកក់ ខណ្ឌទួលគោក។ ចំណែកយុវតីរងគ្រោះមានឈ្មោះ គង់ រក្សា អាយុ១៨ឆ្នាំ មុខរបរជាសិស្សជាប់បាក់ឌុបឆ្នាំទី២ ស្នាក់នៅភូមិព្រែកតាឡុង សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ។
បើតាមសម្ដីជនសង្ស័យបានរៀបរាប់ប្រាប់សមត្ថកិច្ចឲ្យដឹងថា នៅមុនពេលកើតហេតុ រូបគេបានឡើងជិះម៉ូតូឌុបពីក្រុងតាខ្មៅ មកដល់មុខវិទ្យាល័យហ៊ុនសែន ចាក់អង្រែហើយក៏បានប្រទះឃើញជនរងគ្រោះ ខណៈពេលអង្គុយលើម៉ូតូមិនដឹងខ្លួន ក៏បានចុះមកធ្វើសកម្មភាព ភ្ជង់ប្លន់យកម៉ូតូ ទូរស័ព្ទ និងលុយមួយចំនួន ត្រូវបានជនរងគ្រោះស្រែកឆោឡោដល់ប្រជាពលរដ្ឋហៅសមត្ថកិច្ចដែលកំពុងល្បាតនៅក្បែរនោះចេញជួយអន្តរាគមន៍ដើម្បីជួយប្អូនស្រីហើយក៏ថតខ្លួនបានយកមកប៉ុស្តិ៍នគរបាលចាក់អង្រែក្រោមដើម្បីធ្វើការសាកសួរភ្លាមៗផងដែរ។
បើតាមការរៀបរាប់ពីយុវតីជនរងគ្រោះបានប្រាប់ឲ្យដឹងថា នៅមុនពេលកើតហេតុ រូបនាងបានជិះម៉ូតូចេញពីផ្ទះសំដៅមកវិទ្យាល័យចាក់អង្រែក្រោម បំណងយកសៀវភៅ សិក្ខាគារិក ដើម្បីទៅដាក់នៅ ក្រសួងអប់រំយុវជននិងកីឡា ដើម្បីយកអាហារូបករណ៍ពេល ព្រោះរូបនាងប្រលងជាប់និទ្ទេសល្អ (និទ្ទេស B) ។ លុះពេលមកដល់វិទ្យាល័យរូបនាងបានបើកទូរស័ព្ទមើលឃើញមិត្តភក្កិ បានឆាតមកប្រាប់ថា "ថ្ងៃនិងគ្រូមិនបានមកបង្រៀនទេ " ទើបនាងត្រលប់មកយកម៉ូតូវិញ ខណៈពេលរូបនាងបានឡើងជិះម៉ូតូបំណងចេញត្រឡប់ទៅវិញ ស្រាប់តែមានជនសង្ស័យម្នាក់ បានយកកាំបិតចុងស្រួចមកភ្ជង់ចង្កេះនាង ហើយប្រាប់អោយនាងប្រគល់ទូរសព្ទ និងកាបូបលុយឱ្យគេ នឹងប្រគល់ម៉ូតូអោយគេតែពេលនោះជាពលរដ្ឋបានឃើញស្រែកឆោឡោស្រាប់តែជនសង្ស័យ ក៏ទម្លាក់កាំបិត និងទូរសព្ទចោល បម្រុងរត់គេចខ្លួនតែត្រូវបានសមត្ថកិច្ចដែលឈរការពារតាមផ្លូវដេញចាប់ឃាត់ខ្លួនភ្លាមបានតែម្ដង។
នៅចំពោះមុខសមត្ថកិច្ច ជនសង្ស័យបានឆ្លើយសារភាពថា ដោយសារតែរូបគេទាល់លុយ ទើបធ្វើឲ្យគេធ្វើសកម្មភាព ប្លន់យកទូរស័ព្ទដៃម៉ូតូរបស់ដោយយុវតីរងគ្រោះ តែមិនបានសម្រេច ត្រូវសមត្ថកិច្ច និងប្រជាពលរដ្ឋចាប់ឃាត់ខ្លួនបានតែម្តងទៅ។
បច្ចុប្បន្នជនសង្ស័យត្រូវបានសមត្ថកិច្ចប៉ុស្តិ៍ចាក់អង្រែក្រោម កសាងសំណុំរឿងបញ្ជួនខ្លួន ទៅអធិការដ្ឋាននគរបាលខណ្ឌមានជ័យ ដើម្បីចាត់ការតាមនីតិវិធីច្បាប់ ៕
ចំនួនអ្នកទស្សនា
- ថ្ងៃនេះ11601
- ម្សិលមិញ20231
- សប្តាហ៍នេះ90681
- ខែនេះ112561
- ឆ្នាំនេះ112561
- សរុប20555017